Óvist nær menningarkvoturnar skulu vera fiskaðar

bannari
17.08.2018 - 07:28
AktueltVinna
Óvist nær menningarkvoturnar skulu vera fiskaðar
Fiskimálaráðið hevur enn ikki tikið støðu til, um menningarkvoturnar fyri 2018 eisini skulu fiskast í 2018.
 
 

Tilsamans 41.912 tons av svartkjafti, 8749 tons av makreli og 7510 tons av norðhavssild skulu útlutast sum menningarkvota í ár.

Higartil hava níggju fyritøkur fingið útlutað menningarkvotur.

Sambært Fiskimálaráðnum krevur ein umsókn nærri viðgerð, og tí hevur aðalráðið valt fyribils at halda aftur 20 prosent av svartkjaftakvotuni og 10 prosent av silda- og makrelkvotuni.

Menningarkvoturnar verða latnar við støði í eini kunngerð, ið bara fevnir um fiskiskap í 2018.

Spurningurin er tí, hvat hendir við teimum menningarkvotum, sum ikki eru fiskaðar um hálvan fimta mánað.

- Høvuðsreglan er, at kvotur fyri 2018 skulu eisini fiskast í 2018, sigur Rógvi Reinert, aðalstjóri, sum tó tekur síni fyrivarni í mun til menningarkvoturnar.

- Fyrst mugu vit síggja, hvussu gongur at veiða fiskin, og so mugu vit gera eina meting. Vit hava ikki tikið nakra endaliga støðu, sigur Rógvi Reinert.

Nýggjastu sendingar í ÚV
Nýggjastu sendingar í SV
Mánadag 19. november
Miss Perfect (4:6)
87155
Sunnudag 18. november
Andaktin
87870
Sunnudag 18. november
Guðstænasta úr Gjáar kirkju
87872
Sunnudag 18. november
Merkisverda Glomma á (3:5)
87464
Leygardag 17. november
Hvat bagir? (3:8)
87232