Alliansan biður um stuðul frá Sosialdemokratunum

12.09.2018 - 09:53
AktueltÚtheimurin
Alliansan biður um stuðul frá Sosialdemokratunum
Floksleiðararnir í borgarligu flokkunum bjóða nú Stefan Løfven, sitandi forsætisráðharra, til tingingar um at skipa nýggja borgarliga stjórn.
Svenska alliansan hevur boðið sitandi forsætisráðharranum á fund at tingast um eina borgarliga stjórn.
 
 

Floksleiðararnir í teimum fýra borgarligu flokkunum í Svøríki bjóða nú Stefan Løfven, sitandi forsætisráðharra til tingingar um politiskan stuðul at skipa nýggja borgarliga stjórn.

Í opnum brævi undir yvirskriftini, "Vit bjóða Stefan Løfven til samrøðu", skriva teir fýra floksleiðararnir, at hóast sitandi stjórn hevur fingið tveir tinglimir meira enn borgarligu flokkarnir, so hava tey borgarligu fingið fleiri atkvøður og eru tí besta boð uppá nýggja stórn í Svøríki.

Opna brævið til Stefan Løfven stendur í DN Debat.

Floksleiðararnir vilja tosa við Stefan Løfven um samstarv tvørtur um miðjuna, tá tað snýr seg um spurningar, sum eru "týdningarmiklir í longdini", so sum tilflyting, bústaðarpolitikk, pensjóns-, verju- og trygdarpolitikk.

Í sitandi stjórn eru Sosialdemokratarnir og Umhvørvisflokkurin. Ytst vinstrumegin er Vinstriflokkurin, og tey borgarligu vilja ikki samstarva við hann, eins og borgarliga alliansan heldur ikki vil samstarva við Svøríkisdemokratarnar.

SVT skrivar, at Stefan Løfven, forsætisráðharri seinni í dag fer at koma við viðmerkingum til innbjóðingina frá borgarligu flokkunum.

Nýggjastu sendingar í ÚV
Fríggjadag 16. november
Síðsta Skríggj 16.november 2018
87577
Fríggjadag 16. november
Pressan: Fleiri uttanlandstíðindi
87803
Fríggjadag 16. november
Morgunlestur fríggjadagur 16. november 2018
87206
Hósdag 15. november
Americana: 2010 - 2017
87754
Hósdag 15. november
Góðan morgun Føroyar 151118
87744
Nýggjastu sendingar í SV
Fríggjadag 16. november
Lyst 21
87771
Hósdag 15. november
Tað er nú vit liva
87775
Hósdag 15. november
25 minuttir: Høgni Rasmussen
87753
Hósdag 15. november
Tore leitar (5:5)
87211
Mikudag 14. november
25 minuttir: Steintór Rasmussen
86972