Egnir tinglimir vilja hava May frá

12.09.2018 - 15:38
AktueltÚtheimurin
Egnir tinglimir vilja hava May frá
Eini 50 parlamentslimir hjá bretska forsætisráðharranum Theresu May tingaðust í gjárkvøldið um, hvussu og nær May kann kroysast úr sessi sínum.
 

BBC skrivar, at teir 50 tinglimirnir eru partur av konservativa bólkinum, sum kallast Evropeiski Kanningarbólkurin, sum eru ótolnir eftir at fáa greiðan og skjótan skilnað frá ES.

Á fundinum varð tosað opið um framtíðina hjá Theresu May, forsætisráðharra, og BBC endurgevur orðinga sum "øll, sum eg kenni, siga, at hon má frá", og "hon er ein vanlukka".

Síðani parlamentsvalið í juni í fjør, tá konservativi flokkur hennara misti meirilutan í parlamentinum, hevur leiklututrin hjá Theresu May sum stjórnarleiðari verið fyri støðugum trýsti og atfinningum. Støðan hevur eisini gjørt hana veikari í royndunum at fáa eina Brexit-avtalu við ES.

Bretland skal úr ES 29. mars næsta ár, og bæði ES og Bretland royna at fáa eina avtalu gjørda seinni í ár, sum partarnir síðani kunnu fáa samtykta í sínum parlamentum, áðrenn skilnaðurin skal verða.

 
Nýggjastu sendingar í ÚV
Leygardag 11. juli
Føroyingar álopnir úr luftini
111275
Fríggjadag 10. juli
Góðan morgun Føroyar 10.07.2020
111236
Fríggjadag 10. juli
Morgunlesturin fríggjamorgunin 10. juli 2020
110792
Nýggjastu sendingar í SV
Leygardag 11. juli
Video: 8mf, Fjarðastevna 2020
111281
Leygardag 11. juli
Video: 6mf menn, Fjarðastevna 2020
111280
Leygardag 11. juli
Video: 6mf kvinnur, Fjarðastevna 2020
111277