Amerikanskur ungdómur ov feitur

13.10.2018 - 17:48
AktueltÚtheimurin
Amerikanskur ungdómur ov feitur
Sambært nýggjari kanning er gott og væl ein triðingur av amerikanska ungdóminum ov tjúkkur til at verða innskrivaður í herin.
 

Amerikanska verjan hevur trupult við at kalla ungdóm inn til hernaðartænastu. 

Sambært nýggjari kanning frá Strong Nation, sum er ein amerikanskur felagskapur knýttur at herinum, er gott og væl ein triðingur av amerikanska ungdóminum ov tjúkkur til at verða innskrivaður í herin. 

Amerikanska verjumálaráðið hevur frammanundan trupulleikar við at kalla ungfólk inn til hernaðarliga tænastu, og nýggjasta kanningin gevur greiðar ábendingar um orsøkina til trupulleikan. 

- Fiti hevur leingi hótt heilsuna í hesum landinum. Trupulleikin gerst alsamt verri, og fiti er eisini ein hótti móti amerikansku tjóðartrygdini, stendur millum annað at lesa í frágreiðingini, sum er gjørd av pensjoneraðum herovastum og herflotastjórum. 

Ætlanin fyri 2018 var at kalla inn 76.500 fólk, men seinasta mánað boðaði amerikanska verjan frá, at tað einans varð eydnast at kalla inn 70.000.  Hetta er fyrstu ferð í 13 ár, at tað ikki er eydnast at liva upp til ætlaða málsetningin, skrivar danska kringvarpið.

Sambært kanningini er fiti orsøkin til, at 70 prosent av amerikanskum ungdómi millum 17-24 ár ikki megna at klára krøvini, sum skulu klárast, fyri at tæna verjuskyldina. 

- Ein stórur partur av amerikanskum ungdómi vigar ov nógv, og væntandi fer hetta at halda fram, uttan so at tiltøk verða sett í verk, sum eggja ungdóminum at liva sunnari, stendur í frágreiðingini. 

Amerikanski verjumálaráðharrin, Jim Mattis, sigur seg stúra fyri gongdini viðvíkjandi innkallingartrupulleikinum. 

 

Sí eisini

30.10.18
87048
Nýggjastu sendingar í ÚV
Mikudag 16. oktober
Nón - 16. okt. 2019
99960
Mikudag 16. oktober
Áðrenn Elvis: Elligamal tónleikur
99951
Mikudag 16. oktober
LEITISSTEIN 14.10.2019 (1t)
99923
Mikudag 16. oktober
LEITISSTEIN 14.10.2019 (2t: GRACE 25 ÁR)
99922
Mikudag 16. oktober
Morgunlestur mikudagur 16. oktober 2019
99845
Nýggjastu sendingar í SV
Mánadag 14. oktober
3-2
99875
Sunnudag 13. oktober
Andakt við Mourits Mouritsen
99826
Sunnudag 13. oktober
Guðstænasta úr Argja kirkju
99828
Hósdag 10. oktober
Suni Merkistein hittir Bob Geldof
99745
Mikudag 9. oktober
Fótbóltur: Føroyar - Norra (kvinnur)
99695