Rættindamarknaður skipast á nýggjárinum

bannari
11.12.2018 - 09:02
AktueltPolitikkur
Rættindamarknaður skipast á nýggjárinum
Ein almennur rættindamarknaður skal skipast, og á hesum marknaði skulu fiskidagar og kvotur handlast millum skip.
 
 

Fiskimálaráðið hevur orðað eina kunngerð, sum skipar henda almenna rættindamarknað fyri sølu av veiðirættindum.

Vørn skal umsita henda marknað, har kvotupartar, árskvota, fiskidagar ella loyvi skulu handlast millum privatar aktørar í fiskivinnuni.

Sambært einum uppriti frá Fiskimálaráðnum skal prinsippið við afturlatnari uppboðssølu brúkast á hesum nýggja rættindamarknaði.

Tað merkir, at øll boð verða latin inn í afturlætnum brævbjálva, og tey, sum bjóða, síggja ikki boðini hjá hvørjum øðrum. Prísurin fyri avhendað rættindi á almenna rættindamarknaðinum verður so ásettur eftir regluni um "lægst vinnandi boð", sum merkir, at øll, sum koma upp í part, rinda sama prís.

Heimildin at selja hesi rættindi á nýggja, almenna rættindamarknaðinum fevnir bæði um rættindi, sum verða avhendað endaliga, og um rættindi, sum verða avhendað fyri eitt ár í senn.

Uppskotið til kunngerð hevur verið til hoyringar í Fiskivinnuráðnum, og kunngerðin skal eftir ætlan koma í gildi á nýggjárinum.

Nýggjastu sendingar í ÚV
Mikudag 16. januar
Nón - 16.01.19
90038
Mikudag 16. januar
Góðan morgun Føroyar 160119
90025
Mikudag 16. januar
Mono 16 januar 2019
90020
Mikudag 16. januar
Morgunlestur mikudagur 16. januar 2019
89868
Nýggjastu sendingar í SV
Mikudag 30. januar
Team Bachstad á ferð (5:6)
90021
Mikudag 16. januar
Úr savninum: Føroyskt bátasmíð
90005
Mikudag 16. januar
Team Bachstad á ferð (3:6)
90014
Mikudag 16. januar
Til borðs við Price: sviði og pína
89928
Týsdag 15. januar
Tað stóra sjúkrahússtríðið (2:2)
89912