Fíggjarlógin samtykt í nátt við stórum meiriluta

19.12.2018 - 07:13
AktueltPolitikkur
Fíggjarlógin samtykt í nátt við stórum meiriluta
Triðja viðgerð verður longu í dag
Løgtingið samtykti í nátt fíggjarlógina fyri 2019.
 

Fíggjarlógin fyri 2019 varð samtykt í løgtinginum seint í gjárkvøldið við stórum meiriluta.

28 tingfólk atkvøddu fyri fíggjarlógini, fimm atkvøður vóru blankar og eingin atkvøddi ímóti.

Tey nógvu broytingaruppskotini hjá meirilutanum í Fíggjarnevndini, 102 í tali, blivu samtykt, - tey flestu við stórum meiriluta.

Triðja viðgerð verður longu í dag, tí løgtingið samtykti at gera frávik frá tíðarfreistunum. 

Tingfundurin í dag er klokkan tíggju, og 13 mál eru á dagsskránni, onnur viðgerð ella triðja viðgerð.

Fíggjarlógin er seinast á dagsskránni í dag. 

Vanliga plaga at koma broytingaruppskot til triðju viðgerð av fíggjarlógini.

Tingfundurin á gjár varð drúgvur. Klokkan var farin nakrar minuttir yvir midnátt, tá fundurin endaði.

 
Nýggjastu sendingar í ÚV
Mikudag 21. august
Minibarrin 21. august
97838
Mikudag 21. august
Hin nýggi Bør Børson (31:35)
91764
Nýggjastu sendingar í SV
Týsdag 20. august
Andglettur - Framtakið
97851
Mánadag 19. august
Andglettur - Miðflokkurin
97805
Fríggjadag 16. august
Andglettur - Sambandsflokkurin
97745
Hósdag 15. august
Andglettur - Fólkaflokkurin
97701