Leitingin í Fugloy steðgað

12.01.2019 - 16:14
Aktuelt112
Leitingin í Fugloy steðgað
Leitingin eftir horvna ferðamanninum í Fugloy er steðgað úrslitaleys
 

Tyrla, verjuskip, løgreglufólk við hundum og staðkend fólk hava leitað á og kring oynna í allan dag, men hevur einki lívstekin funnið frá manninum, sum kom í Fugloynna í gjár.

Maðurin kom út við tyrlu um middagstíð og skuldi inn aftur við Rituni seinnapartin. Hann tosaði hálvbrotið enskt og segði seg ætla sær ein túr í fjøllini. Maðurin hevði ein ryggsekk, men var annars ikki serliga væl ílatin, segði vakthavandi á løgreglustøðini í Havn í morgun.

Veðrið var einki serligt í gjár og tí legði Ritan ikki at í Kirkju sum vanligt, men fór til Hattarvíkar í staðin - men eingin ferðamaður var at síggja, hvørki í Hattarvík ella Kirkju.

Tað fekk fólk at stúra og løgreglan fekk boð, men tá var longu so myrkt og keðiligt veður, at tað var ikki ráðiligt at fara at leita.

Men síðani tað fór at lýsa í morgun hevur verið leitað, tó uttan at maðurin er funnin.
 

 
Nýggjastu sendingar í ÚV
Hósdag 18. juli
Í fótafari Paulusar - 8. partur
96449
Hósdag 18. juli
Lívsleiðsskiftið (3:8)
96404
Hósdag 18. juli
Minibarrin 18. juli 2019
96869
Hósdag 18. juli
Summartímin mikudagin 17. juli
96886
Nýggjastu sendingar í SV
Leygardag 13. juli
Video: 5mf kvinnur, vestanstevna 2019
96751
Leygardag 13. juli
Video: 10mf, vestanstevna 2019
96750
Leygardag 13. juli
Video: 8mf, vestanstevna 2019
96749
Leygardag 13. juli
Video: 5mf gentur, vestanstevna 2019
96747