Russland í móti fundi í ST-trygdarráðnum

27.01.2019 - 14:17
AktueltÚtheimurin
Russland í móti fundi í ST-trygdarráðnum
Við minst møguliga atkvøðum, 9 av 15, fekk USA sína vilja, og trygdarráðið í ST helt fund í gjárkvøldið um støðuna í Venesuela
Sjálvtilnevndi forsetin í Venesuela, Juan Guaido
Mynd: © ap-tíðindastovan  
 

Russland leggur USA undir at fyrireika statskvett í Venesuela.

Amerikanski uttanríkisráðharrin, Mike Pompeo, leggur hinvegin Russland og Kina undir at royna at stuðla stýrinum hjá Nicolas Maduro, forseta, fyri á tann hátt at verja sínar egnu vánaligu miljardaíløgur í landinum.

USA, Frakland, týskland, Spania og Bretland stuðla sjálvtilnevnda forsetanum, Juan Guaidos. 

Russland royndi at forða fyri fundinum í ST trýgdarráðnum um Venesuela, men fekk ikki nóg nógvar atkvøður fyri uppskotinum. Níggju at teimum 15 limalondunum í ráðnum atkvøddu fyri fundinum. 

Russland leggur USA undir at fyriskipa statskvett í Venesuela. Russiski ST-sendiharrin, Vasili Nebensja, sigur, at USA vil hava trygdaráðið við í eirindaleysa spælið, hvør mál er at gera støðuna ótrygga í Venesuela. 

- Hetta er hóttan móti friðinum, tá USA og sameind uttan fyrilit og áræsin royna at fáa ein lógliga valdan forseta frá, segði Nebensja.

Forsetin í Venesuela, Maduro, hevur eisini sjálvur fleiri ferðir skuldsett USA fyri at leggja seg út í innanhýsis viðurskifti í Venesuela.

Amerikanski uttanríkisráðharrin, Mike Pompeo, hevur heitt á onnur lond um at stuðla Juan Guaido, slíta síni sambond millum fíggjargeiran og stýrið hjá Maduro forseta. Tað er enn ógreitt, hvørja støðu ES hevur. 

Hægsta uttanríkispolitiska umboðið í ES, Federica Mogherini, heitt í gjár á Venesuela um at skipa fræls, gjøgnumskyd og álítandi val, og at ES fer at seta tiltøk í verk, um ikki val verður útskrivað ein av næstu døgunum.
 

 
Nýggjastu sendingar í ÚV
Mikudag 23. september
Góðan morgun Føroyar 23.09.2020
113837
Mikudag 23. september
Morgunlestur mikudagur 23. september 2020
113643
Týsdag 22. september
Breddin
113808
Týsdag 22. september
Jazzofonin: Scat
113800
Týsdag 22. september
Jazzofonin: Tónleikur frá 2020
113798
Nýggjastu sendingar í SV
Mikudag 23. september
Myndir fyri sologuitar eftir Kára Bæk
113720
Týsdag 22. september
Fótbóltur: Føroyar - Hvítarussland
113812
Mánadag 21. september
3-2
113751
Mánadag 21. september
Fridtjof 100 ár
113746
Sunnudag 20. september
Andakt við Kristiani á Reynatrøð
113686