Fleiri enn 950 fólk handtikin á mótmælistiltaki

22.04.2019 - 12:07
AktueltÚtheimurin
Fleiri enn 950 fólk handtikin á mótmælistiltaki
Felagsskapurin Extinction Rebellion, sum varð stovnaður í Bretlandi í mai í fjør, hevur seinastu vikuna skipað fyri umhvørvismótmælum í London
 

Fleiri enn 950 fólk eru handtikin seinastu dagarnar, meðan umhvørvismótmæli hava verið í London, og 40 av teimum handtiknu eru ákærd fyri eitt hvørt. Tað skrivar BBC.

Í gjár helt 16 ára gamla Greta Thunberg røðu í Marble Arch, har túsundtals fólk vóru savnað. Svenska Greta Thunberg er heimskend sum umhvørvisaktivistur, og hon hevur skapt eina altjóða rørslu fyri at basa veðurlagsbroytingum. 

Eggja fólki til at halda fram við mótmælunum

Síðani felagsskapurin Extinction Rebellion byrjaði í fjør hava limir millum annað stongt brýr í London, stoytt fleiri spannir av falskum blóði uttanfyri Downing Street, latið seg úr klæðunum í bretska løgtinginum og blokerað BBC.

Greta Thunberg steðgaði í London tveir dagar, og fólk kring allan heimin hava fylgt við ferðini á sosialum miðlum. Í røðuni segði hon millum annað, at politikkarar og fólk við valdi eru sloppin avstað við einki at gera fyri at basa veðurlagskreppuni alt ov leingi. Hon eggjaði eisini fólki til at halda á fram við umhvørvismótmælum, tí tey gera ein mun.

36 ára gamla Cressida Dick, sum er løgreglustjóri í Met Police í London, sigur seg ikki hava upplivað so nógvar handtøkur í einum fyrr. Met Police fekk hjálp frá øðrum løgregluliðum í Onglandi, millum annað City of London Police, og so vóru eisini løgreglufólk úr Kent, Sussex, Essex, Hampshire og Manchester komin til London.

 
Nýggjastu sendingar í ÚV
Mikudag 20. november
Breddin
101262
Mikudag 20. november
Nón 20. november 2019
101261
Mikudag 20. november
Góðan morgun, Føroyar 20. november 2019
101246
Mikudag 20. november
Morgunlesturin mikumorgunin 20. november 2019
101175
Týsdag 19. november
Tematýsdagur av Eiði
101230
Nýggjastu sendingar í SV
Sunnudag 17. november
Møti úr Vón í Skopun
101160
Leygardag 16. november
Andaktin
101148
Mánadag 11. november
3-2
100936
Sunnudag 10. november
Andakt við Jákup Eli Østerø
100878