Vil hava meirilutastjórn eftir fólkatingsvalið

bannari
18.05.2019 - 10:53
AktueltÚtheimurin
Vil hava meirilutastjórn eftir fólkatingsvalið
Pia Kjærsgaard, forkvinna í fólkatinginum, skjýtur upp, at Danski fólkaflokkurin, Vinstri og Javnaðarflokkurin skipa stjórn
 

Besta úrslitið av fólkatingsvalinum 5. juni hevði verið, um Danski fólkaflokkurin, Vinstri og Javnaðarflokkurin skipa stjórn.

Tað sigur Pia Kjærsgaard úr Danska fólkaflokkinum, sum er stuðul hjá borgarligu stjórnini, í samrøðu við Berlingske.

Pia Kjærsgaard er eisini forkvinna í fólkatinginum.

Óstøðug politisk viðurskifti

Pia Kjærsgaard sigur, at politiska støðan í Danmark er óstøðug, og tí er neyðugt at leggja allan taktikk og ósemjur til viks og finna eina politiska loysn, sum er tann besta fyri landið.

- Tað einasta rætta er, at vit tríggir flokkarnir skipa eina meirilutastjórn eftir valið. Tað er tað besta at gera í løtuni. Viðurskiftini høvdu verið støðugari, og vit kunnu fáa nógv á skaftið, sigur Pia Kjærsgaard við Berlingske.

Pia Kjærsgaard, sum er fyrrverandi forkvinna í Danska fólkaflokkinum, sigur, at ruðuleiki valdar, tí flokkarnir, sum eru ytst á hvørjum veingi, seta so stór krøv.

Løkke vil hava SV-stjórn

Lars Løkke Rasmussen, forsætisráðharri, nevndi fyrr í vikuni møguleikan fyri, at Vinstri og Javnaðarflokkurin skipa stjórn eftir valið.

Men Mette Frederiksen, forkvinna í Javnaðarflokkinum, hevur víst aftur at skipa stjórn saman við Vinstra.

Hon heldur fast um ætlan sína um, at Javnaðarflokkurin skal skipa stjórn einsamallur eftir valið og samstarva við báðar veingir í fólkatinginum.

Pia Kjærgaard vísir ikki aftur, at Danski fólkaflokkurin kann taka undir við, at Vinstri og Javnaðarflokkurin skipa samgongu, men hon heldur, at radikali flokkurin fer at fáa ov stóra ávirkan á útlendingapolitikkin. 
 

 

 
Nýggjastu sendingar í ÚV
Hósdag 21. november
Breddin
101309
Hósdag 21. november
Nón - 21. november 2019
101307
Hósdag 21. november
Katrin Sørensen er gestur í Dansivali
101296
Hósdag 21. november
Áðrenn Elvis: Gleði og kæti
101291
Hósdag 21. november
Góðan morgun, Føroyar 21. november 2019
101286
Nýggjastu sendingar í SV
Sunnudag 17. november
Møti úr Vón í Skopun
101160
Leygardag 16. november
Andakt við Jørgen Andreasen
101148
Mánadag 11. november
3-2
100936