Spyr um myllurnar í Hoyvíkshaganum

04.06.2019 - 12:16
AktueltTøkni
Spyr um myllurnar í Hoyvíkshaganum
Vindmyllurnar við Gellingarklett í Hoyvíkshaganum eru nú komnar í løgtingið
Gellingarklettur.
 

Vindmyllurnar við Gellingarklett í Hoyvíkshaganum eru nú komnar í løgtingið.

Bill Justinussen, løgtingsmaður, spyr Høgna Hoydal, landsstýrismann í búnaðarmálum, hvør heimild er at geva Sigerti Patursson, bónda, loyvi at nýta festijørðina til at byggja vindmyllur í Hoyvíkshaganum og gera samstarvsavtalu við sp/f Vindrøkt, sum útihýsir øðrum tilboðsgevarum at fáa atgongd til almennu jørðina.

Bill Justinussen spyr eisini, um bara Sigert Patursson fær slíkar sersømdir at brúka almenna jørð til vindmyllubygging.

Hann spyr, um tilsøgnin verður tikin aftur og, hvørjar avleiðingar tað so hevur.

Sigert Patursson fekk longu í 2003 loyvi til at brúka festijørðina til vindmyllur. 

Avtala við felag

Hann hevur síðani gjørt avtalu við sp/f Vindrøkt um samstarv um vindorku.

Hóast Umhvørvisstovan hevur boðið jørðina út til aðrar umsøkjarar, kunnu teir ikki fáa hesa jørðina, sigur Bill Justinussen.

Tað er tí viðkomandi at fáa staðfest, um lóggávan heimilar slíkari privatari seravtalu um almenna jørð, sum forðar øðrum umsøkjarum so sum SEV at sleppa framat at bjóða uppá framtíðar vindorkuútbyggingina í Føroyum, sigur Bill Justinussen.

Bill Justinussen spyr eisini Sirið Stenberg, landsstýriskvinnu í orkumálum, um útbjóðingina í Hoyvíkshaganum.

Hann spyr, um hon er lóglig eftir elveitingarlógini.  

 
Nýggjastu sendingar í ÚV
Mánadag 6. juli
Skála bløðir
111066
Mánadag 6. juli
Góðan morgun Føroyar 06.07.2020
111027
Sunnudag 5. juli
Frá stríðsárunum (1:15)
110841
Sunnudag 5. juli
Guðstænasta í Fuglafjarðar kirkju
111013
Nýggjastu sendingar í SV
Hósdag 2. juli
Úr savninum: Havið ímillum (2:2)
110938
Mánadag 29. juni
3-2
110811
Sunnudag 28. juni
Andakt við Jákupi N. Olsen
110748
Sunnudag 28. juni
Møti úr Kedron í Sørvági
110743