Bretland leingir kanska limaskapin

27.09.2019 - 15:42
AktueltÚtheimurin
Bretland leingir kanska limaskapin
Í Brússel vænta bæði politikarar, embætisfólk og eygleiðarar, at Bretland enn eina ferð fer at biðja ES um at leingja limaskapin
 

Hetta hóast Boris Johnson, forsætisráðharri, hevur sagt, at hann heldur loypir í ein kyksenda enn at biðja ES um at leingja limaskapin. Bretland hevur tvær ferðir áður fingið longda freist, og tann seinna gongur út 31. oktober.

Ein diplomatisk kelda sigur tað vera heilt ósannlíkt, at nakað samráðingarúrslit verður klárt at leggja fyri ES toppfundin, sum eftir ætlan verður um einar tvær vikur.

Samráðingarleiðarin hjá ES, Michel Barnier, segði í gjár, at marknaspurningurin millum Írland og Norðurírland ikki er loystur, tá umræður at tryggja friðaravtaluna og innara marknaðin í ES.

Ein avtala krevur, at ES vil gera neyðsemjur

Michel Barnier segði, at uppskotini hjá Boris Johnson kravdu, at ES skuldi strika sínar egnu reglur.

Forsætisráðharrin sigur hinvegin, at uppskotini hjá bretsku stjórnini eru meint í álvara, og at ein avtala eisini krevur, at ES vil gera neyðsemjur. Men tað tykist ES ongan hug hava til.

Ein diplomatur sigur um støðuna, at sjálvt um Bretland og ES komu ásamt um eina avtalu, er illa hugsandi, at Undirhúsið, so ósamt, sum tað er, fer at samtykkja nakra avtalu, sum Boris Johnson kemur aftur úr Brússel við.

 
Nýggjastu sendingar í ÚV
Fríggjadag 18. oktober
Pressan: Fótbóltur fyrst og fremst
100039
Fríggjadag 18. oktober
Morgunlestur fríggjadagur 18. oktober 2019
99850
Hósdag 17. oktober
Breddin
100021
Hósdag 17. oktober
Nón - 17. oktober 2019
100017
Hósdag 17. oktober
Í fótafari Paulusar 21.partur
100009
Nýggjastu sendingar í SV
Hósdag 17. oktober
Flaggsigling 2019 1:2
100020
Mánadag 14. oktober
3-2
99875
Sunnudag 13. oktober
Andakt við Mourits Mouritsen
99826
Sunnudag 13. oktober
Guðstænasta úr Argja kirkju
99828
Hósdag 10. oktober
Suni Merkistein hittir Bob Geldof
99745