Kostar 40 mia. kr. at útseta olympisku leikirnar

25.03.2020 - 14:33
AktueltÚtheimurin
Kostar 40 mia. kr. at útseta olympisku leikirnar
Samstundis hava japansku myndugleikarnir setta 950 milliardir av til at fáa tamarhald á koronavirusinum
 

Tað fer at kosta Japan 40 milliardir kr. at útseta olympisku leikirnar til næsta summar. Tað er metingin hjá japanska professaranum í búskapi á lærda háskúlanum í Kansai.

Katsuhiro Miyamoto, professari, sigur, at broytingin fer at kosta japanska samfelagnum umleið 40 milliardir kr.

Tað var eftir ein fund í gjár millum japanska forsætisráðharran, Shinzo Abe, og forsetan í olympisku nevndini, Thomas Bach, at avgerð varð tikin um at flyta olympisku leikirnar, sum skuldu vera í summar, til næsta summar.

Kemur illa við

Avgerðin kemur illa við hjá japanska búskapinum, sum longu er í kreppu, sigur serfrøðingurin, Hiroshi Ugai, við tíðindastovuna Reuters. Samanlagt fer tað at kosta Japan 70 milliardir kr., sigur serfrøðingurin.

Samstundis fer tað at kosta japanska samfelagnum nógv at royna at fáa tamarhald á koronavirusinum, tí japanska stjórnin hevur longu sett 950 milliardir kr av til endamálið.

Tað er ikki greitt enn, nær í 2021 olympisku leikirnir vera í Japan, skrivar Ritzau.

 

Sí eisini

  •  
Nýggjastu sendingar í ÚV
Hósdag 4. juni
Kvørnin: "Illusions", Heiðrik
109739
Hósdag 4. juni
Breddin
109740
Nýggjastu sendingar í SV
Mánadag 1. juni
Andakt við Emil Olsen, presti
109624
Mánadag 1. juni
Guðstænasta úr Fuglafjarða kirkju
109572
Sunnudag 31. mai
Andakt við Emil Olsen, presti
109555
Sunnudag 31. mai
Guðstænasta úr Glyvra kirkju.
109558