Løgtingið: Fangar skulu hava tað betri

27.05.2020 - 09:01
AktueltPolitikkur
Løgtingið: Fangar skulu hava tað betri
Rættarnevndin hevur útbygt eitt uppskot til samtyktar frá Rósu Samuelsen og Djóna Nolsøe Joensen um Arrestina í Mjørkadali
Arrestin í Mjørkadali er bæði varðhald og fongsul
 

Tey, sum verða dømd at vera í varðhaldi ella í fongsli, skulu hava tað betri, bæði, meðan tey sita, og aftaná. 

Tað tykist løgtingið vera samt um.

Rættarnevndin hevur útbygt eitt uppskot til samtyktar frá Rósu Samuelsen og Djóna Nolsøe Joensen um Arrestina í Mjørkadali. Tey vildu hava, at umstøðurnar har vera sum í danska fongsulsverkinum annars.

Løgtingið hevur sett tey bæði at hava eftirlit við varðhaldsfangum.

Útslúsingartilboð

Men Rættarnevndin er komin við einum broytingaruppskoti, sum eisini umfatar eitt sokallað útslúsingartilboð í sambandi við leyslating og nýtt fongsul í Føroyum. Talan er tó framvegis bara um eitt uppskot til samtyktar, um eina áheitan á landsstýrið.

Rættarnevndin sigur, at Arrestin í Mjørkadali er bæði varðhald og fongsul, hóast varðhald og fongsul eru hvørt sítt. Men tey, sum verða dømd at sita í meira enn eitt ár, verða send til Danmarkar. Hetta kann kennast sum ein eyka revsing, sigur Rættarnevndin.

Nevndin hevur fingið at vita frá Amnesty International, at varðhaldsfangar í Føroyum verða oftari avbyrgdir enn fangar í øðrum londum, tí so trongligt er í Arrestini í Mjørkadali. 

Spyrja Kriminalforsorgina

Og í Danmark vita tey um Arrestina í Mjørkadali. Tí Nick Hækkerup, løgmálaráðharri, svarar Bárði á Steig Nielsen, løgmanni, at hann fer at venda sær til Kriminalforsorgina um Mjørkadal. 

Og hann tekur undir við uppskotinum hjá løgmanni um, at føroysk og donsk embætisfólk viðgera fongsulsviðurskiftini í Føroyum.
 

 

Sí eisini

Nýggjastu sendingar í ÚV
Mikudag 23. september
Breddin
113863
Mikudag 23. september
Nón 23. september 2020
113860
Mikudag 23. september
Góðan morgun Føroyar 23.09.2020
113837
Mikudag 23. september
Morgunlestur mikudagur 23. september 2020
113643
Týsdag 22. september
Breddin
113808
Nýggjastu sendingar í SV
Mikudag 23. september
Drúgt sjónvarp
113851
Mikudag 23. september
Myndir fyri sologuitar eftir Kára Bæk
113720
Týsdag 22. september
Fótbóltur: Føroyar - Hvítarussland
113812
Mánadag 21. september
3-2
113751
Mánadag 21. september
Fridtjof 100 ár
113746