Gongur væl fíggjarliga

05.06.2020 - 09:28
AktueltSamfelag
Gongur væl fíggjarliga
Tað gekk væl hjá Sunda kommunu í fjør. Tað vísir úrslitið, nú kommunan hevur samtykt ársroknskapin fyri 2019
 

Ársroknskapurin vísir eitt rakstraravlop á 31,4 milliónir krónur. Tað er væl meir enn metta rakstraravlopið í fíggjarætlanini fyri 2019, sum var 14,4 milliónir krónur.

Inntøkurnar í kommununi vuksu nógv í 2019. 97,4 milliónir krónur vóru í inntøkum, tað eru góðar 13 milliónir krónur meira enn mett var í fíggjarætlanini fyri 2019.

Samanborið við undanfarna roknskaparár er talan um enn inntøkuvøkstur uppá 7,5 milliónir krónur ella góð átta prosent hjá Sunda Kommunu.

Íløgur fyri 43,8 milliónir

Sunda kommuna gjørdi í fjør íløgur fyri tilsamans 43,8 milliónir krónur. Bróðurparturin av hesum var brúktur uppá nýggja skúlan og ítróttarhøllina við Streymin og til ítróttarøkið við Margáir í Streymnesi.

Íløgurnar eru 13 milliónir krónur minni enn roknað var við í fíggjarætlanini, men tað kemst av, skrivar kommunan, at íløgur, sum skuldu gerast í Skúlan við Streymin, vórðu útsettar til 2020.

Sunda kommuna skrivar, at fíggjarstøðan 2019 javnvigar við 31.869 milliónum krónum. Lániskuldin var 38,5 milliónir krónur við árslok. Nettoskuldin var 22,9 milliónir krónur, ið svarar til 28 prosent av skuldarloftinum.

 
Nýggjastu sendingar í ÚV
Hósdag 9. juli
Ein táttur er silvur 2.partur
111175
Hósdag 9. juli
Nón 9. juli 2020
111209
Hósdag 9. juli
Vit meyla og meyla
111184
Hósdag 9. juli
Góðan morgun Føroyar 09.07.2020
111177
Nýggjastu sendingar í SV
Mikudag 8. juli
Hvalbiartunnilin skotin ígjøgnum
111104
Týsdag 7. juli
3-2
111099
Hósdag 2. juli
Úr savninum: Havið ímillum (2:2)
110938