Samkyndar vígslur uttanfyri Løgtingið

Umleið 100 áhoyrarar, fyrst og fremst ungfólk og fyri tað mesta fólk sum halda, at samkynd skulu sleppa at gifta seg, vóru møtt í tinginum í morgun at vísa sín stuðul.

Ungmannafeløgini hjá Tjóðveldi og Javnaðarflokkinum og LGBT høvdu undan tingfundinum heitt á fólk um at koma, og so nógv vóru møtt, at pláss ikki var fyri helvtini inni í sjálvum tingsalinum.

Eisini uttanfyri í bítandi kuldanum gjørdu ungmannafeløgini hjá Tjóðveldi og hjá Javnaðarflokkinum vart við síni sjónarmið við einum brúdleypshappening. Men føroyskt desemberveður egnar seg ikki so væl til útibrúdleyp.

Løtu seinni var gjørt av at royna uttanfyri høvuðsinngongina til tinghúsið.