Video: Øðrvísi umstøður at fiska í Barentshavinum

bannari
09.08.2018 - 08:45
AktueltVinna
Video: Øðrvísi umstøður at fiska í Barentshavinum
Tað er órímiligt at lasta fiskivinnunýskipanini, at Sjúrðarberg er seldur, heldur løgmaður. JFK heldur, at landsstýrið rennur undan sínum politikki.
 
 

Tak niður

Nevndin í JFK seldi Sjúrðarberg herfyri. Skipið hevur í nógv ár fiskað í Barentshavinum.

JFK sigur orsøkina vera, at undir verandi fiskivinnuskipan fer samtakið ikki at hava nóg stóra kvotu til tvey skip.

Kvotan hjá JFK er 10.500 tons í ár. Tá eru rættindini, sum reiðaríið hevur keypt á uppboðssølu, ikki tald við, og einki er farið burtur av til menningarkvotu. Gadus fiskar sløk 9.000 tons. 1.500 tons eru eftir til Sjúrðarberg, umframt tað, sum reiðaríið klárar at keypa á uppboðssølu. Og tá heildarkvotan minkar enn meira næsta ár, og eingin vissa er fyri, at reiðaríið klárar at keypa ein lønandi part á uppboðssølu, samstundis sum eingin vissa er fyri, at ein partur ikki skal setast av til menningarkvotur, verður mett, at parturin hjá Sjúrðarbergi er ov lítil.

Var eingin uppboðssøla, og reiðaríið varðveitti sín sama lutfalsliga part, og einki fór til menningarkvotu, so kundi JFK varðveitt Sjúrðarberg. Men nú eru viðurskiftini ov ótrygg, heldur nevndin í felagnum.

- Tað ber til at keypa kvotu á uppboðssølu og felagið hevur hepnast at keypa kvotu í 2018, men mett verður ikki, at tað er ein nøktandi skipan at keypa kvotu á uppboðssølu, í hvussu so er ikki at eiga skip og hava manning tøka til at fiska kvotu, sum tað møguliga eydnast at keypa, skrivaði Niels Winther Poulsen, nevndarformaður í JFK, í tíðindabrævi herfyri.

Løgmaður hevur aðra fatan

Men lat tað vera greitt, at fiskivinnunýskipanin ikki kann vera orsøkin til, at Hanus Hansen kennir seg noyddan at selja Sjúrðarberg, var boðskapurin hjá Aksel V. Johannesen, løgmanni.

Hann vísir á, at heildarkvotan í Barentshavinum minkar, og tí verður minni at fiska hjá JFK.

- Fiskivinnunýskipanin er ikki orsøkin til, at heildarkvotan minkar í Barentshavinum, sigur Aksel V. Johannesen, løgmaður.

Gev gætur, at í videobrotinum omanfyri hava vit hildið okkum til rund tøl.

LES EISINI: Fiskivinnunýskipanin orsøk til søluna

LES EISINI: Fiskivinnunýskipanin fær skuldina

LES EISINI: Grundgevingin hjá JFK er órímilig

 
Nýggjastu sendingar í ÚV
Leygardag 20. oktober
ALSO: Soleiðis ger man ikki!
86657
Leygardag 20. oktober
Soleiðis turka og ræsa vit kjøt framyvir
86656
Leygardag 20. oktober
Upp á tá - 19. 10. 18
86639
Leygardag 20. oktober
Morgunlestur leygardagur 20.oktober 2018
86026
Nýggjastu sendingar í SV
Leygardag 20. oktober
Andaktin
86655
Fríggjadag 19. oktober
Lyst 17
86618
Hósdag 18. oktober
Ongin dagur uttan pínu
86574
Mikudag 17. oktober
25 minuttir: Árni Olafsson
86459
Mánadag 15. oktober
3-2
86447