- Tíðindi, mentan og ítróttur
Fyrsta stigið til eftirskúla tikið
11.02.2016 - 16:39
Innlendis›Samfelag
Fyrsta stigið til eftirskúla tikið
200.000 krónur eru settar av til ein nýggjan eftirskúla, ið ætlandi verður á Drelnesi. Pláss verður fyri 80 næmingum
Leingi hevur verið tosað um ein eftirskúla á Suðuroynni, men lítið er komið burturúr. Nú eru 200.000 krónur settar av á fíggjarlógini at leggja verkætlanina um skúlan til rættis.
Sambært Ólavi Rasmussen, formanni í arbeiðsbólkinum fyri skúlan, verður verkætlanin liðug í august í ár.
Í nýggjasta álitinum um eftirskúla, sum kom í mars í fjør, skal eftirskúlin vera á Drelnesi og rúma 80 næmingum.
120 ungir føroyingar fara av landinum á hvørjum ári í eftirskúla, og tí er grundarlag fyri at stovna eftirskúla í Føroyum, sigur Ólavur Rasmussen.
Harafturat heldur fyriskiparin, at føroysk foreldur uttanlands fara at senda børnini til Føroya í eftirskúla.
Tak niður
Sí eisini
Nýggjastu sendingar í ÚV
Nýggjastu sendingar í SV