- Hetta er tað ringasta árið nakrantíð

10.08.2018 - 11:18
AktueltÚtheimurin
- Hetta er tað ringasta árið nakrantíð
Soleiðis sigur føroyingurin Meinhard Saint John, sum býr í Kalifornia, har skógareldar herja.

Tak niður

Brandmenn fáa ikki tamarhald á nógvu eldunum í Kalifornia, har tað er ógvuliga heitt í løtuni.

Tað sigur føroyingurin Meinhard Saint John, sum býr í býnum San Fransisco í Kalifornia.

Størsti skógareldurin nakrantíð herjar í Kalifornia. Einir 17 eldar brenna samstundir og fleiri enn 13.000 brandmenn og 2.300 hermenn eru settir inn at basa eldunum, sum fevna um einar 2.500 ferkilometrar tilsamans.

Øska er í luftini nógva staðni, og øll merkja onkursvegna skógareldarnar.

Hitin setir met í Kalifornia í ár, og tað er ein orsøk til hættisligu støðuna, sigur Meinhard Saint John, sum býr í Kalifornia. 

Í Mendocino County nakað norðanfyri San Fransisco, har Meinhard St. John býr, er alt í ljósum loga. Nógvi hitin ger, at sokallaðar eld-melduródnir verða skaptar.

Nógv fólk eru ávirkað av mongu eldunum, eitt nú í Orange County eru 20.000 fólk evakuerað.

Í gjár koyrdi Meinhard frá San Fransisco suður til Los Angeles. Øska er í luftini og allastaðni koyra brandbilar.

Hildið verður, at einir 17 eldibrandar loga í senn - heilt úr norðasta Kalifornia til har suðri við Los Angeles. 

Yvir 14.000 brandmenn og 2.300 hermenn eru settir inn at basa eldunum, sum fevna um útvið 3.000 ferkilometrar tilsamans.

Men tað gongur illa at fáa tamarhald á eldunum, og til dømis hava brandmenninir bara tamarhald á 30 prosentum í tí størsta eldinum í Mendocino, tann størsti í Kalifornia nakrantíð (1.200 ferkilometrar).

Fólk í Kalifornia eru annars von við skógareldar, men í ár er nógvar ferðir verri, tí tað er so heitt og turt.

Hoyr stuttu samrøðuna við Meinhard Saint John í brotinum omanfyri. 

 
 
Nýggjastu sendingar í ÚV
Fríggjadag 20. september
Óhoyrt: Alt frá Føroyum til Avstralia
98988
Fríggjadag 20. september
TEMPO úr dvala
98968
Fríggjadag 20. september
Pressan: Jenis av Rana og Kringvarpið
98960
Fríggjadag 20. september
Morgunlesturin fríggjamorgunin 20. september 2019
98627
Hósdag 19. september
Nón - 19. september 2019
98928
Nýggjastu sendingar í SV
Mánadag 16. september
Móttøka í Tinganesi
98789
Mánadag 16. september
3-2
98799
Sunnudag 15. september
Guðstænasta úr Kollafjarða kirkju
98752
Sunnudag 15. september
Andakt við Randi Froyseth
98749
Fríggjadag 13. september
Kaj Klein konsert í Maggies
98618