Torført at fáa fólk at arbeiða fisk

18.08.2018 - 10:03
AktueltVinna
Torført at fáa fólk at arbeiða fisk
Tað sigur Atli Gregersen, stjóri í Luna, sum í løtuni søkir eftir fólki til HiddenFjord í Sørvági, sum hevur vaksandi virksemi. Fá eru arbeiðsleys
Luna í Sørvági skal hava fleiri fólk í arbeiði til alingina hjá HiddenFjord.

Tak niður

Makrelfiskiskapurin byrjar nú, og tí verður meira arbeiðið á uppisjóvarvirkjunum kring landið um fáar vikur.

Pelagos í Fuglafirði fær brúk fyri 25 fólkum aftrat, tá virkið fer at virka makrel um nakrar vikur. 

Men Jóhan Páll Joensen, stjóri á virkinum sigur, at higartil hevur ikki verið torført at fáa fólk til fiskaarbeiðið, og hann væntar heldur ikki, at tað verður tað í ár. 

Virkið hevur sum oftast nógvar skúlanæmingar í arbeiði, og eisini fólk, sum eru knýtt at virkinum, men sum arbeiða aðrastaðni, tá lítið virksemi er á Pelagos. 

Eisini Marine Harvest fer um einar tvær vikur at søkja eftir fólki til nýggja kryvjivirki, sum letur upp á Strondum um ein mánað. Marine Harvest skal brúka 25-30 fólk til hetta arbeiðið. 

Hans Jákup Mikkelsen, stjóri í felagnum, sigur, at hann veit ikki, um tað verður torført ella lætt at fáa fólk fyrr enn felagið hevur søkt eftir fólki. 

 
 
Nýggjastu sendingar í ÚV
Leygardag 7. desember
Morgunlesturin leygardagurin 7.desember 2019
101960
Leygardag 7. desember
Kaffidussur við Sigrun Johannesen
101951
Fríggjadag 6. desember
Góðan morgun, Føroyar 6. desember 2019
101913
Fríggjadag 6. desember
Pressan: Fútaforboð og pressufrælsi
101910
Nýggjastu sendingar í SV
Hósdag 5. desember
Sí sendingina: Ein dagur í Nuuk
101848
Týsdag 3. desember
Kveikur: Samherjaskjølini (2:2)
101784
Sunnudag 1. desember
Andakt við Marjuni í Kálvalíð
101682
Sunnudag 1. desember
Guðstænasta í Mariukirkjuni
101705
Fríggjadag 29. november
Hyggjuráðið
101668