Makrelsemjan óviss

Avtalan frá 2014 var ein góð avtala fyri Føroyar, og avtalan trífaldaði makrelin, sum Føroyar fingu.

Nú fiskimálaráðharrarnir í Norðuratlantshavi hava havt ráðstevnu í Føroyum, var makrelavtalan umrødd.

Føroyar og ES eru fyri at leingja avtaluna, segði ES-nevndarlimurin Karmenu Vella, á tíðindafundi, tá ráðstevnan endaði.

Norska umboðið á fundinum, Veronica Isabell Pedersen, vararáðharri, segði, at Noreg ikki enn kann siga, um avtalan um makrelin fer at halda fram, tí fleiri viðurskifti skulu umrøðast fyrst.

Grønlendski landsstýrismaðurin í fiskivinnumálum, Erik Jensen, gjørdi greitt, at verður Grønland viðurkent sum strandaland, so tekur landið undir við makrelsemjuni.

Hoyr Høgna Hoydal, fiskimálaráðharra, greiða frá omanfyri.