Skulu ikki í sóttarhald

03.04.2020 - 18:50
AktueltSamfelag
Skulu ikki í sóttarhald
Teir norðmenn sum koma til landið at arbeiða 14. hvønn dag fara ikki í sóttarhald, sum onnur, sigur Teitur Samuelsen, stjóri í tunnilsfelagnum.

Tak niður

Hóast tilmælini hjá myndugleikunum eru, at fólk, sum koma til Føroyar úr øðrum londum skulu vera í sóttarhaldi í tvær vikur er hetta ikki galdandi fyri teir norðmenn sum 14. hvønn dag koma til landið at arbeiða fyri NCC.

- Mannagongdir eru gjørdar, sum felagið hevur samskift við heilsumyndugleikarnar um, sigur Teitur Samuelsen, stjóri í partafelagnum Eysturoyar- og Sandoyartunlar.

Teitur Samuelsen segði annars tann 19. mars við útvarpið at ferðin fór at vera sett niður á tunnilsarbeiðinum, tí reglur fyri ferðing og sóttharhald forðaðu fyri at arbeiðið kundi fara fram sum vant.

Men tað er broytt nú - eini 30 norðmenn koma til landi 14. hvønn dag at arbeiða í Eysturoyar- og Sandoyartunlunum.

Landslæknin var ikki greiður yvir, at norðmenn koma til landið at arbeiða uppá tunlarnar, tá útvarpið kunnaði hann um tað í dag.

Hann sigur tó, at tað ikki er ólógligt, og at sóttarhald er eitt tilmæli, sum fyritøkurnar sjálvar avgera um tær fylgja ella ikki.

 
 
Nýggjastu sendingar í ÚV
Hósdag 28. mai
Mono 16. apríl 2020
109455
Hósdag 28. mai
Mono 23. apríl 2020
109456
Hósdag 28. mai
Breddin
109454
Hósdag 28. mai
Kvørnin: "Modern Era", Teitur
109451
Hósdag 28. mai
Nón 28.mai 2020
109447
Nýggjastu sendingar í SV
Mikudag 27. mai
Úr savninum: Slóðarar 7:7
109459
Mikudag 27. mai
Vit venja við - 2
109392
Mánadag 25. mai
3-2
109292