Javni: Støðan á sambýlunum lívshættislig

Støðan hjá teimum, sum búgva á sambýlum, verður lívshættislig, nú Pedagogfelagið tekur øll undantaksloyvi aftur.<div><br></div><div>Tað sigur felagið Javni, í sambandi við at verkfallið hjá pedagogunum verður hert í morgin.</div><div><br></div><div>Felagið vísir á, at av teimum 30 starvsfólkunum á Eirargarði eru sjey tænastumannasett.&nbsp;</div><div><br></div><div>- Tað sigur seg sjálvt, at tað ber ikki til at nýta starvsfólkaorku hjá sjey fólkum til 19 sera hjálparkrevjandi fólk, &nbsp;og serliga ikki yvir longri tíð, sigur Javni.</div><div><br></div><div>Trivnaðartænastan hevur upplýst, at roynt verður at býta tænastufólkini runt á ymsu samdøgurstovnarnar. Landsstýriskvinnan í almannamálum verður kunnað um støðuna, og ætlanin er at biðja Pedgogfelagið um undantaksloyvi.</div><div><br></div><div>Javni sigur, at verður undantak ikki givið, verður ruðuleiki í morgin, og leiðslan noyðist at senda húsfólk heim, har tað á nakran hátt letur seg gera.</div><div><br></div><div>Felagið krevur, at partarnir fáa gongd á samráðingarnar alt fyri eitt.</div><div><br></div><div>- Vit stúra fyri, at skaði stendst av støðuni. Tað heldur ikki óhugsandi, at onkur liggur eftirá, annaðhvørt húsfólk ella starvsfólk, sigur Javni í dag.&nbsp;</div>