Jørgen Niclasen: Royna at fáa semju

<div style="font-style: normal; ">- Vit royna at røkka eini semju. Tað hava vit gjørt fyrrapartin, og tað fara vit eisini at gera klokkan fýra.</div><div style="font-style: normal; "><br></div><div style="font-style: normal; ">Tað sigur Jørgen Niclasen, landsstýrismaður, sum fyrrapartin boðsendi øllum pørtum í sáttmálatrætuni millum arbeiðsgevarar og pedagogar til samráðingarborðið í Fíggjarmálaráðnum.</div><div style="font-style: normal; "><br></div><div style="font-style: normal; ">Steðgur er nú í samráðingunum, og partarnir kunna baklandið um fundin fyrrapartin. Avtalað er at hittast aftur í Fíggjarmálaráðnum klokkan 16.</div><div style="font-style: normal; "><br></div><div style="font-style: normal; ">Maud Wang Hansen, forkvinna í Pedagogfelagnum, sigur, at fundurin fyrrapartin var konstruktivur, sum hon tekur til, og partarnir umrøddu tey viðurskifti, sum áður hava verið frammi í samráðingunum.</div><div style="font-style: normal; "><br></div><div style="font-style: normal; ">Spurd, um nakað uppskot er lagt fram í samráðingunum, sigur Maud Wang Hansen, at hon hevur onga viðmerking, men at samráðingarnar verða tiknar uppaftur klokkan 16.</div><div style="font-style: normal; "><br></div><div style="font-style: normal; ">Í løtuni eru samráðingarnevndirnar ikki so fjølmentar, sum tær vanliga eru. Á fundinum fyrrapartinum vóru bert tvey umboð fyri hvønn partin.</div><div style="font-style: normal; "><br></div><div><i>Mynd: Jørgen Niclasen hitti fyrrapartin umboð fyri Javna og onnur, sum vóru komin í Fíggjarmálaráðið at vísa sína misnøgd við støðuna í sáttmálatrætuni.</i></div>