Havnin ætlar at læna 50 mió. kr.

<div>Tórshavnar kommuna skal læna 50 mió. kr. frá BankNordik til at tryggja gjaldførið hjá kommununi.&nbsp;</div><div><br></div><div>Umsitingin hjá býráðnum mælir til at hava eitt minsta gjaldføri, sum svarar til skattainntøkuna fyri ein mánað.&nbsp;</div><div><br></div><div>BankNordik hevur boðið kommununi eitt 15 ára lán við fastari rentu trý tey fyrstu árini.</div><div><br></div><div>Lántøkan verður viðgjørd á býráðsfundinum í kvøld.&nbsp;Tórshavnar kommunu hevur ikki lænt pengar síðani 2009.&nbsp;</div><div><br></div><div>Ætlanin var at umfíggja avdráttirnar hjá kommununi í ár. Talan er um 11,5 mió. kr. og tvey lán, annað frá Føroya Lívstrygging, hitt frá Eftirlønargrunni Havnar arbeiðsmannafelags.&nbsp;</div><div><br></div><div>Lánveitararnir eru sinnaðir at lata avdráttarskáa í ár, so lánitíðin verður longd samsvarandi, og árligu lánsgjøldini verða tey somu eftir avdráttarskáan.</div><div><br></div><div>Men nú er komið eitt nýtt tilmæli frá umsitingini, tí skattaintøkan í fjør var 20 mió. kr. størri enn mett.&nbsp;</div><div><br></div><div>Mælt verður tí til kortini at gjalda tær 11,5 milliónirnar í avdrátti í ár, so skuldin hjá Tórshavnar kommunu verður 214,5 mió. kr., tá árið endar.</div><div><br></div><div><br></div><div style="font-family: Arial, Verdana; font-size: 10pt; font-style: normal; font-variant: normal; font-weight: normal; line-height: normal; "><br></div>