- Tíðindi, mentan og ítróttur
Hallið hjá kommununum veksur

<div>Hallið hjá føroysku kommununum verður 74 mió. kr. í ár. Hetta eru góðar 20 milliónir meira enn í fjør. </div><div><br></div><div>Landsbankin viðger eisini kommunurnar í búskaparmetingini, sum kom í gjár. </div><div><br></div><div>Sambært fíggjarætlanunum hjá teimum 30 kommununum kostar raksturin góð trý prosent meira í ár enn í fjør, og íløgur verða gjørdar fyri knappliga 12 prosent meira. </div><div><br></div><div>Sambært fíggjarætlanunum verður hallið 74 milliónir. Tað var 53 milliónir í fjør og 24 milliónir í 2010. Landsbankin væntar ikki so stóran vøkstur í rakstri og íløgum næsta ár, bara hálvt annað prosent, sum eisini verður vanligi prísvøksturin í 2013.</div><div><br></div><div>Landsbankin sigur, at kommunurnar virka konjukturviðgangandi, og tað varð aftur staðfest í seinastu kreppuni.</div><div><br></div><div>Tá búskaparliga niðurgongdin byrjaði í 2008, minkaðu flestu kommunurnar íløgurnar, og fleiri harafturat eisini raksturin. </div><div><br></div><div>Nú útlit aftur fyri fleiri inntøkum, verða rakstur og íløgur hjá kommununum aftur øktar. </div><div style="font-family: Arial, Verdana; font-size: 10pt; font-style: normal; font-variant: normal; font-weight: normal; line-height: normal; "><br></div>




















