Bretland tekur sendiharran heim úr Sýrialandi

Diplomatiska sambandið við Sýrialand er ikki kvett, og fyribils verður samskift um sýrisku sendistovuna í London

01.03.2012 - 15:40

<div><br></div><div>Bretska stjórnin hevur gjørt av at taka sendiharran og øll starvsfólkini á sendistovuni úr Sýrialandi.</div><div><br></div><div>Tað er bretska svarið til versnandi støðuna í Sýrilanadi, sigur bretski uttanríkisráðharrin, William Hague.</div><div><br></div><div>- Tað er av trygdarávum, at eg havi gjørt av at taka øll starvsfólkini á sendistovuni og teirra næstringar heim, sigur uttanríkisráðharrin.</div><div><br></div><div>Starvsfólkini á bretsku sendistovuni í Damaskus fóru úr Sýrialandi í gjár, og eru á veg til Bretlands. Bretland hevur kortini ikki kvett diplomatiska sambandið við Sýrialand.</div><div><br></div><div>- Sýriska sendistovan í London verður framvegis opin, og tann vegin fáa vit samskift, sigur William Hague.</div><div><br></div><div>Hildið verður, at fleiri enn 7.500 fólk hava latið lív, síðani uppreisturin ímóti Bashar al-Assad, forseta byrjaði fyri einum ári síðani</div><div><br></div>