- Tíðindi, mentan og ítróttur
Havstovan: Sama nøgd av svartkjafti við Føroyar
<div>Kanningarnar hjá Magnusi Heinasyni kunnu ikki brúkast einsamallar til at vísa, hvussu nógvur svartkjaftur er sunnan fyri Føroyar. Nøgdin verður roknað síðst í apríl, har sum tølini frá øllum fimm rannsóknarskipunum vera við.</div><div><br></div><div><div>Smáur, óbúgvin svartkjatur, gýttur í 2009, 2010 og 2011, var at síggja í føroyskum øki suður móti Wyville-Thomson rygginum í ein landssynning úr Føroya Banka, millum Føroyar og Skotland. Hesir árgangirnir hava verið at sæð í yvirlitstrolingini hjá Magnusi Heinasyni. Havstovan vónar, at teir koma fyri seg. Tann størri og búni svartkjafturin stóð nakað syðri báðu megin føroyska markið og suður í ES-sjógv. Hann er á veg norðureftir eftir gýtingina.</div><div><br></div><div>Føroyar, Norra, Írland og Niðurlond fyri ES og Russland gjørdu svartkjaftakanningina saman. Skipini hjá hinum londunum kannaðu økini longri suðuri. </div><div>Magnus Heinason fekk bara nakrar fáar makrelar á túrinum, sum vardi frá 28.mars til 11.apríl. Tað var mitt á Wyville-Thomson rygginum í einum háli í vatnskorpuni. Nøkur hál vóru eisini í vatnskorpuni sunnarlaga í føroyskum øki, men eingin makrelur var í har, sigur Havstovan.</div></div>
