Vestmanna: Síggja einki endamál við fólkaatkvøðu

Øll í kommunustýrinum mæla fólki til at siga nei á fólkaatkvøðuni, og tað sama gera tey, sum høvdu orðið á borgarafundinum í Vestmanna í gjár.

 

Fólk søgdu seg ikki síggja nakað endamál við fólkaatkvøðuni, tí fólk hava einki at taka støðu til, og landsstýrið megnar ikki at svara teimum ivaspurningum sum eru, millum annað fíggjarligu avleiðingarnar.

 

Ført varð eisini fram, at Vestmanna kommuna er før fyri at svara sínar skyldur, sum er at útbyggja kommununa, og kommunan er eisini klár at fara í samstarv við grannakommunurnar, Kvívík og Tórshavn, um umsitingarlig málsøki, gerst tað neyðugt.

 

Eingin á fundinum segði seg síggja nakran fyrimun at leggja saman við Tórshavnar kommunu, hvørki fíggjarliga ella í tænastuveiting.