- Tíðindi, mentan og ítróttur
Whale Wars: Tøkniligir trupulleikar darvaðu kjakið
![](https://kvf.fo/sites/default/files/styles/grein-ovasta-mynd/public/fed1f1c790a82f655fc56bc9993a479d.png?itok=kummRltL)
<div>Í ein hálvan tíma royndi hann sum frægast; men hyggjarin hevði ofta trupulleikar at hoyra, hvat Heri Joensen, sangari í Týr, segði í beinleiðis kjakinum við Paul Watson á heimasíðuni hjá Animal Planet leygarmorgunin.</div><div><br></div><div>Nakrir minuttir gingu, áðrenn Heri Joensen, sum sat í Føroyum, hoyrdist so frætt, at hyggjarin kundi skilja argumentini hjá føroyinginum, sum dystaðist við Paul Watson, sum sat í USA.</div><div><br></div><div>Heri Joensen megnaði tó at bera fram síni sjónarmið, at Paul Watson og Sea Sheperd siga ósatt, tá tey vilja vera við, at grindahvalurin er hóttur; at hvalurin pínist í fleiri minuttir.</div><div><br></div><div>Paul Watson hevði gjørt sítt heimaarbeiði. Hann vísti millum annað á skeivleikar í Týr-sanginum, Rainbow Warrior, sum snýr seg um Sea Shepard.</div><div>Hann vísti á, at Rainbow Warrior hoyrir til Green Peace - ikki Sea Shepard; og hann vísti aftur, at hann og hini í felagsskapinum vóru óvitandi stórbýarmenniskju; Paul Watson er sjálvur úr eini bygd.</div><div><br></div><div>Hyggjarin fekk møguleika at seta teimum báðum spurningar.</div><div>Ein spurdi, um Paul Watson og Sea Shepard koma aftur til Føroyar hetta summar; men Paul Watson kom ikki við nøkrum svari.</div><div><br></div><div>Alt kjakið kann síggast her:</div><div><br></div><div><a href="http://www.youtube.com/watch?v=Hjp5dE14Oio">http://www.youtube.com/watch...