- Tíðindi, mentan og ítróttur
Færri tilburðir við krabbamein
<div>205 føroyingar fingu staðfest krabbamein í fjør. Hetta er nakað minni enn árini frammanundan, tá talið var ávikavist 235 og 237. Miðaltalið fyri seinastu 7 árini er 223 tilburðir. Tað vísa hagtøl, Krabbameinsfelagið upplýsir.</div><div><br></div><div>Hjá nærum fimta hvørjum føroyingi, sum fær staðfest krabbamein, er talan um húðkrabba. Tilburðirnir av húðkrabba eru vanliga fleiri enn 40, men í fjør var talið niðri á 22. Samstundis er talið á skrásettum tilburðum av móðurmerkjakrabba fallið munandi, úr 16 í 2005 niður í 6-7 tilburðir seinastu árini. </div><div><br></div><div>- Hetta kann vera ein ábending um, at krabbamein, sum stendst av ov nógvari ultraviolettari stráling frá sól ella solarium, kvinka rætta vegin, sigur Krabbameinsfelagið.</div><div><div><br></div><div>Munandi fleiri mans hava fingið diagnosuna prostatakrabba seinastu árini. 19 tilburðir vórðu skrásettir í 2005, í fjør var talið tvífalda, tá 44 tilburðir vórðu staðfestir.</div><div><br></div><div>Bróstkrabbi, sum millum kvinnur er vanligasta krabbaslagið, tykist verða rættiliga støðugt. Hesi seinastu sjey árini eru árliga millum 20 og 26 tilburðir staðfestir. </div><div><br></div><div>Lungnakrabbi telist eisini millum vanligastu sløgini av krabbameini. Árliga fáa um 15 føroyingar staðfest lungnakrabba, og er hetta talið rættiliga støðugt.</div><div><br></div><div>Tá talan er um undirlívskrabba, eru tølini rættiliga ójøvn. Í 2008 vórðu einans 7 tilburðir skrásettir, árið eftir vórðu heili 29. Tølini fyri undirlívskrabba eru einans skrásett seinastu fimm árini.</div></div>
