- Tíðindi, mentan og ítróttur
Færri fáa klamydia
<div>Triðja árið á rað hava færri føroyingar fingið staðfest klamydia enn árið fyri.</div><div><br></div><div>Tað vísa tølini hjá Landslæknanum, sum í hesum døgum leggur seinastu hond á árligu heilsulýsingina. Í fjør vóru 135 klamydia-tilburðir staðfestir - 31 færri enn í 2010 Metárið var 2009, tá 220 føroyingar fingu staðfest kynssjúkuna.</div><div><br></div><div>Hóast talið á klamydiatilburðum hevur verið støðugt lækkandi seinastu trý árini, er tað framvegis munandi hægri enn fyri aldarskiftið. Í árinum 2000 til dømis vóru 36 klamydiatilburðir staðfestir.</div><div><br></div><div>Fleiri kunnu hava klamydia uttan at vita av tí. Tí sigur talið ikki, hvussu veruliga støðan er.</div><div><br></div><div><b>Jalig gongd</b></div><div><br></div><div>Eitt tal, ið gevur eina betri ábending um veruligu støðuna, er býtið millum, hvussu nógv lata seg kanna, og hvussu nógv fáa staðfest kynssjúkuna. Eisini her sæst ein jalig gongd seinnu árini.</div><div><br></div><div>Í 2008 høvdu góð 15 prosent av teimum, sum lótu seg kanna, fingið sjúkuna, í 2009 14 prosent. í 2010 var talið komið niður á umleið12 prosent, og í fjør fingu umleið11 prosent av teimum, sum lótu seg kanna, at vita, at tey høvdu sjúkuna, vísa nýggjastu tølini frá Landslæknanum.</div><div><br></div><div><b>Syfilis í Danmark</b></div><div><br></div><div>Í Danmark rópa tey varskó, tí ein onnur kynssjúka, syfilis, er trifaldið seinastu tvey árini. </div><div><br></div><div>So er ikki í Føroyum. Eingin syfilis-tilburður varð staðfestur í fjør, og vit skulu 16 ár aftur í tíðina at fáa staðfest seinasta syfilis-tilburð í Føroyum.</div><div>Ein tilburður av gonorré varð staðfestur í Føroyum.</div>
