- Tíðindi, mentan og ítróttur
Paul Watson handtikin í Týsklandi
<div>Paul Watson, stovnarin og oddamaður í Sea Shepherd, varð í gjár handtikin í Frankfurt í Týsklandi. </div><div><br></div><div>Hetta váttar Sea Shepherd á heimasíðu sínari. </div><div><br></div><div>Paul Watson varð handtikin á flogvøllinum í Frankfurt fyri at hava lagt seg út í veiðu eftir hávi í havinum við Guatemala í 2002. Hetta hendi í sambandi við upptøkurnar til filmin ?Shark Water? hjá Rob Stewart, sum kom út í 2005.</div><div><br></div><div>Í eini roynd at verja hávin móti oyðing, fór Rob Stewart at samstarva við Paul Watson og Sea Shepherd, og tað var byrjanin til eitt fýra ára langt stríð, sum verður lýst í filminum. "Shark Water" er fleiri ferðir vístur á Animal Planet og verður roknaður sum gjøgnumbrotið, ið slóðaði vegin fyri luttøkuni hjá Sea Shepherd í sendingini "Whale Wars", har Føroyar í løtuni eru í andgletti. </div><div><br></div><div>Sambært heimasíðuni hjá Sea Shepherd, so er Paul Watson ákærdur fyri at hava siglt á skipið "Varadero", sum er skrásett í Costa Rica. Hetta er brot á góðan atburð á sjónum, og manningin umborð á skipinum meldaði tískil Paul Watson, fyri at seta lív teirra í vága. </div><div><br></div>
