- Tíðindi, mentan og ítróttur
Læknastørvini í Miðlon mannað
<p>Nýggja læknamiðstøðin í Havn, sum Tórshavnar kommuna skipar í bygninginum hjá Miðlon við Hoyviksvegin, er nú mannað. </p><div><br></div><div>Karsten Hansen, landsstyrismaður, hevur sett fýra kommunulæknar, ið allir eru serlæknar í almennum medisini. Teir eru Dánjal Petur Højgaard, Guðrun Zachariasen, Kári Jacobsen og Katrin Danielsen.</div><div><br></div><div>Hølini í Miðlon verða umbygd í løtuni, og tey verða liðug beint eftir summarfrtíðina. </div><div><br></div><div><b>Felags viðtala</b></div><div><br></div><div>Nýggja læknamiðstøðin í Miðlon verður eitt nýbrot á kommunulæknaøkinum, har kommunulæknarnir hava felags viðtalu. Fyrsta royndin at skipa felags viðtalu varð sett í verk í Klaksvík í fjør, og hon vísir seg at rigga væl, sigur heilusmálaráðið.</div><div><br></div><div>Hølini í Miðlon eru innrættað frá grundini til felags viðtalu, og hetta kann verða leisturin fyri, hvussu farast skal fram aðra staðni, sigur heilsumálaráðið.</div><div><br></div><div><b>Nýggj kommunulæknastørv</b></div><div><br></div><div>Nógvir borgarar í Havn hevur ikki havt fastan kommunulækna, tí kommunulæknaviðtalurnar hava verið fullteknaðar. Ti eru tvey nýggj kommunulæknastørv skipað í høvuðsstaðnum.</div><div><br></div><div>Av tí at Katrin Danielsen flytir í Miðlon varð starvið í viðtaluni í Berjabrekku tøkt, og Freddie Poulsen er settur í hetta starvið. </div><div><br></div><div>Dánjal Petur Højgaard hevur verið kommunulækni í Sandoynni seinastu árini. Starvið verður nú lýst leyst. Heilsumálaráðið sigur, at arbeitt verður við eini loysn, soleiðis at borgarar í Sandoyar læknadømi eisini í framtíðini fara at hava fasta kommunulæknatænastu.</div>
