- Tíðindi, mentan og ítróttur
ICES: Fiskatovnarnir enn illa fyri
<p>Fiskastovnarnir undir Føroyum eru illa fyri, og ICES mælir framvegis til, at veiðutrýstið minkar, sigur Havstovan.</p><div>Altjóða havrannsóknarstovnurn kunngjørdi fyrrapartin síni tilmæli um fiskiskapin eftir botnfiskastovnum undir Føroyum.</div><div><div><br></div><div>Um toskin á landgrunninum sigur ICES, at hóast gýtingarstovnurin veksur spakuliga, er hann framvegis nærindis minsta markinum fyri, hvat ið er ráðiligt. Veiðitrýstið hevur verið í minking síðani 2002, men er framvegis ov stórt. Tilgongdin seinastu árini hevur verið undir miðal, og ICES mælir til, at veiðitrýstið á tosk minkar 63 prosent samanborið við miðalveiðitrýstið seinastu trý árini, og veiðitrýstið eigur tí ikki at vera størri 16 prosent.</div><div><br></div><div>Toskastovnurin á Føroyabanka hevur verið sera illa fyri í mong ár, og eingi tekin eru um, at hann er í menning. ICES mælir tí framvegis til, at eingin toskafiskiskapur verður á Føroyabanka, fyrr enn yvirlitstrolingarnar hjá Havstovuni vísa, at stovnurin er komin fyri seg aftur.</div><div><br></div><div><b>Hýsa og upsi</b></div><div><br></div><div>Gýtingarstovnurin av hýsu hevur søguliga ongantíð verið so litil sum nú, og síðani 2010 hevur hann verið mettur undir minstamarkinum fyri, hvat er ráðiligt. ICES endurtekur ráðini frá í fjør og sigur, at eingin beinleiðis hýsufiskiskapur eigur at vera. Hjáveiða av hýsu eigur at vera so lítil sum gjørligt. ICES sigur, at neyðugt er at gera eina ætlanin fyri, hvussu stovnurin kann koma fyri seg aftur.</div><div><br></div><div>Gýtingarstovnurin av upsa er minkaður munandi síðani 2006, men hann er hampiliga væl fyri. Veiðitrýstið er minkað síðani 2009, men er størri enn ráðiligt.</div><div>Tilgongdin hevur verið yvir miðal seinastu árini, men ICES mælir ti at minka veiðitrýstið á upsa 44 prosent samanborið við miðalveiðitrýstið seinastu trý árini, so tað í mesta lagi verður 22 prosent.</div></div>
