Danmark vil hava Turkaland upp í ES

Helle Thorning-Schmidt, forsætisráðharri, er farin til Turkalands á vitjan

Danmark hevur framvegis ta støðu, at Turkaland eigur at gerast limur í ES, sigur Helle Thorning-Schmidt, forsætisráðharri.

Johnsigurd Johannesen

14.06.2012 - 16:09

<p>Samstundis sum Danmark fyrireikar seg at taka ímóti kinesiska forsetanum, Hu Jintao, er Helle Thorning-Schmidt, forsætisráðharri, farin til Turkalands á vitjan.</p><div><br></div><div>Danmark hevur formansskapin í ES, og endamálið við vitjanini er at fáa gongd á samráðingarnar um turkiskan limaskap í ES.</div><div><br></div><div>Helle Thorning-Schmidt sigur, at Danmark og Javnaðarflokkurin hava framvegis ta støðu, at Turkaland eigur at fáa limaskap í ES. Men hon viðurkennir, at nógvir meinbogar hava verið, tí í veruleikanum er tilgongdin steðgað.</div><div><br></div><div>Búskaparlig framgongd hevur verið í Turkalandi, samstundis sum kreppa er í fleiri ES-londum. Tí er turkiski áhugin fyri ES-limaskapi minkaður. </div><div><br></div><div>Kýpros, sum tekur við formanssessinum í ES eftir Danmark, hevur hótt við at forða fyri, at Turkaland nakrantíð fær limaskap í ES. Turkiski forsætisráðharrin, Erdogan, hevur sagt, at hann hevur ongan áhuga at tingast við Kýrpos um ES. </div><div><br></div>