- Tíðindi, mentan og ítróttur
Helvtin av fólkinum forvinnur upp í 200.000 kr.
<div>Útvið helmingurin at føroyingum, eldri enn 15 ár, hevur eina inntøku, sum liggur millum 0 og 200.000 krónur um árið. Tað vísir nýggjasta kanningin av inntøkubýtinum, sum Hagstovan hevur gjørt fyri árið 2010.</div><div><br></div><div>Kanningin vísir eisini, at eitt umleið eitt prosent av fólkinum hevði eina inntøku oman fyri eina millión krónur. 319 persónar forvunnu oman fyri milliónina í 2010, og tað eru 95 fleiri enn árið fyri.</div><div><br></div><div>Hesi tølini eru bruttoinntøka.</div><div><br></div><div>Hagstovan hevur eisini roknað út, hvat fólk hava eftir, tá skatturin er goldin</div><div><br></div><div>Hesi tølini vísa, at føroyingar, eldri enn 15 ár, í miðal hava 146.267 krónur eftir um árið, tá skatturin er goldin. Tølini vísa, at tríggir fjórðingar hava eina tøka inntøku, sum er millum 0 og 200.000 krónur, meðan tvey prosent hava eina tøka inntøku, sum er oman fyri eina hálva millión.</div><div><br></div><div>35 føroyingar høvdu í 2010 eina millión krónur ella meiri tøka, tá skatturin varð goldin.</div>
