- Tíðindi, mentan og ítróttur
Kinesarar fiska makrel fyri grønlendingar
<div>Eftir at hava roynt í øðrum londum uttan úrslit hevur nú eydnast grønlendingum at fáa skip at fiska makrel fyri seg. Kinesarar fiska nú makrel í grønlendskum sjógvi.</div><div><br></div><div>Tveir stórir trolarar, sum Thor leigaði at vera móttøkuskip hjá føroyskum makrelskipum, hava fingið 10.000 tons hvør av makreli við Eysturgrønland.</div><div><br></div><div>Talan er um royndarfiskiskap. Kay Yu hevur longu verið í grønlendskum sjógvi í eina góða viku, og Kai Li er á veg hagar. Thor søkti annars fyrr í vikuni føroyska Fiskimálaráðið um móttøkuloyvi til Kai Li. Thor hevur fingið tilsøgn um móttøkuloyvi til Kai Yu.</div><div><br></div><div>Sambært íslendska blaðnum Fiskifréttir hevur Royal Greenland gjørt sáttmála við kinesisku reiðaríini um fiskiskapin.</div><div><br></div><div>Grønlendingar royndu fyrst at fáa føroyingar, íslendingar og danir at fiska grønlendska makrelin. Men skip í teimum londunum fingu ikki loyvi frá sínum myndugleikum.</div><div>Til dømis gav íslendska fiskimálaráðið tveimum íslendskum trolarum greið boð um at gevast at fiska makrel fyri Grønland. </div><div><br></div><div><br></div>
