Tey stóru fáa meir tá tey smáu ikki klára sín part

Tey stóru og effektivu skipini fáa meira, vísir tað seg, at ov nógvur makrelur er eftir, tá vertíðin fer at styttast, sigur landsstýrismaðurin..

Landsstýrismaðurin í fiskivinnumálum, Jacob Vestergaard, vil geva "Fagraberg" og øðrum stórum trolarum meir makrel, um aðrir bólkar ikki megna at fiska sína kvotu.

Høgni Djurhuus

12.08.2012 - 15:57

<div>- Men enn er eingin orsøk at stúra, hvørki so ella so, heldur landsstýrismaðurin í fiskivinnumálum, Jacob Vestergaard.</div><div><div><br></div><div>Hóast einki útlendskt móttøkuskip er komið enn, og tí heldur ikki ein einasta króna av teimum 78 milliónunum í avreiðingargjaldi, sum landskassin skuldi fáa fyri makrel í ár, og hóast nógv minni er fiskað higartil enn hesa tíðina í fjør, er eingin vandi fyri, at makrelurin fer at svíkja í ár. </div><div><br></div><div>- Pengarnir koma og øll kvotan verður fiskað, metir Vestergaard.  </div><div><br></div><div>Samstundis sum landsstýrið ognaði sær 78 milliónir í avreiðingargjaldi fyri makrel til útlendsk móttøkuskip, var endamálið við avreiðingargjaldinum, tvær krónur fyri kilo, eisini at styggja føroysku skipini burtur frá móttøkuskipunum, so føroysk virki og føroysk skip fáa makrelin í staðin fyri:   </div><div><br></div><div>Eitt móttøkuskip, Lafayette, er á veg til Føroya. Lafayette verður her hósdagin ella fríggjadagin.  </div></div><div><br></div><div><i>Hoyr samrøðuna við Jacob Vestergaard, landsstýrismann,<a href="http://www.kringvarp.fo/Archive_Articles/2012/08/12/utvarpstidindi-14-00"> her</a></i></div>