- Tíðindi, mentan og ítróttur
Landsrætturin útsett mál um pápafarloyvi
<div>Tað verður ein løta enn, áðrenn Landsrætturin tekur støðu til starvsfólkapolitikkin hjá løgtinginum. </div><div><br></div><div>Fyri einum ári síðani frídømdi Føroya rættur løgtingið í einum sakarmáli, sum Kári á Rógvi, fyrrverandi løgtingsmaður, byrjaði móti arbeiðsgevara sínum, løgtinginum.</div><div><br></div><div>Kári á Rógvi skeyt dómin inn fyri Landsrættin. Eystari Landsrættur, sum er í Føroyum, skuldi viðgera málið í dag. Men viðgerðin varð útsett til seint í oktober.</div><div><br></div><div><b>Onga løn í farloyvistíðini</b></div><div><br></div><div>Kári á Rógvi stevndi løgtinginum eftir løn fyri tær fýra vikurnar, hann var í pápafarloyvi. Rætturin frídømdi løgtingið. Kári á Rógvi fekk einki lyfti um løn í farloyvistíðini, sigur rætturin. Og hann eigur heldur ikki at fáa løn fyri farloyvistíðina.</div><div><br></div><div>Rætturin vísir til lógina um barsilsskipan. Sambært henni hava kvinnur serrættindi. Tær eiga einsamallar fyrstu 14 vikurnar eftir at barnið er føtt. </div><div><br></div><div>Kári á Rógvi var í farloyvi úr løgtinginum, áðrenn fyrstu 14 vikurnar vóru farnar. Harafturat brúkar løgtingið reglurnar, sum eru galdandi á almenna arbeiðsmarknaðinum. Tær siga, at menn hava rætt til barsilsfarloyvi í ein mánað, men tað er uttan løn.</div><div><br></div><div>Og tí segði Føroya rættur, at Kári á Rógvi átti ikki at fáa løn fyri tær fýra vikurnar, hann var í pápafarloyvi.</div><div><br></div>
