Tey flestu vilja vera lærarar og pedagogar

Fleiri enn 200 umsóknir vóru um at sleppa at lesa til lærara, pedagog og sjúkrarøktarfrøðing, men øll, sum søkja, sleppa ikki inn

Læraraskúlin á Fróðskapasetrinum er væl umtóktur lærustovnur, men øll, sum søkja, sleppa ikki inn.

Karolina Thostrup

Johnsigurd Johannesen

15.08.2012 - 17:06

<div>Áhugin at sleppa á Fróðskaparsetur Føroya at lesa hevur ongantíð verið so stórur sum nú, men kortini eru lestrarpláss tøk í føroyskum, lívfrøði og KT-verkfrøði. </div><div><br></div><div>Flestu umsøkjararnir vilja vera lærari, pedagogur ella sjúkrarøktarfrøðingur.</div><div> </div><div>350 fólk hava í ár søkt um at sleppa at lesa á Fróðskaparsetrinum. Hetta eru fleiri umsøkjarar enn nakrantíð. Fleiri hava longu fingið bræv um, at tey sleppa ikki at lesa á Setrinum. Hetta eru serliga tey, sum vildu lesa til lærara, pedagog ella sjúkrarøktarfrøði.</div><div><br></div><div>Fleiri enn 200 umsøkjarar vóru til hesar útbúgvingarnar. Nú eru 17 pláss eftir at søkja til útbúgvingar á bacholorstigi: Trý pláss í føroyskum, átta í lívfrøði og seks í KT-verkfrøði. </div><div><br></div><div>- Ov fáir umsøkjarar vóru til jarð- og havfrøði, og tí verður henda útbúgvingin av ongum í ár, sigur Jørgen Meitilberg, fyrisitingarstjóri á Fróðskaparsetrinum.</div>