- Tíðindi, mentan og ítróttur
Føroyanevndin verður kunnað um grind og list
<div>Kunning um grindadráp er á skránni, tá Føroyanevndin hjá fólkatinginum kemur til Føroya.</div><div><br></div><div>Nevndin kemur sunnukvøldið, og mánadagin fer hon til Suðuroyar. Har fer Hans í Líðini í Vági at greiða frá um grindadráp fyrr og nú. Viðrar, sleppa fólkatingslimirnir eisini at royna grindabátarnar. </div><div><br></div><div><b>Í Suðuroynni</b></div><div><br></div><div>Føroyanevndin skal eisini síggja Saltsiloina á Drelnesi, og farið verður inn á gólvið á Varðanum Pelagic á Tvøroyri. Týsdagin er politikkurin á skránni. Føroyanevndin hittir løgmann og Uttanlandsnevndina hjá løgtinginum. Týsdagin fær Føroyanevndin eisini kunning um peningastovnarnar og oljuleitingina. </div><div><br></div><div>Mikudagurin er settur av til vinnuna. Meðan siglt verður við Hvidbjørnen til Runavíkar, fær nevndin at vita, hvat danska verjan fæst við í Føroyum. Nevndin vitjar eisini Bakkafrost á Glyvrum og Thor í Hósvík. </div><div><br></div><div><b>Myndlist og bókmentir</b></div><div><br></div><div>Áðrenn nevndin fer aftur til Danmarkar hósdagin, fer Kinna Poulsen at halda fyrilestur um føroyska myndlist og bókmentir, og á veg vestur verður steðgað á hjá Føroya Tele í Hoyvík.Og áðrenn farið verður í flogfarið, fær nevndin kunning um flogvøllin. </div><div><br></div><div>Sjúrður Skaale er formaður í Føroyanevndini hjá fólkatinginum, og Edmund Joensen er næstformaður. </div><div><br></div>
