- Tíðindi, mentan og ítróttur
Hava longu spart 80-90 mió. kr.
<div>Landsverk hevur longu funnið sparingar upp á Marknagilsdepilin fyri 80-90 milliónir krónur. Sostatt er sparing funnin fyri meira enn helminginum av meirkostnaðinum, sum er 155 milliónir krónur størri enn játtanin</div><div><br></div><div>Hetta upplýsir Landsverk í tíðindaskrivi í dag.</div><div><br></div><div>Í skrivinum verður sagt, at stovnurin í longri tíð hevur verið greiður yvir, at tilboðini fóru at liggja væl oman fyri játtanina til depilin. Tí hevur stovnurin arbeitt við at granska, hvussu kostnaðurin kann liggja nærri játtanini upp á 391 milliónir krónur.</div><div><br></div><div><b>Skal ikki raka verkætlanina</b></div><div><br></div><div>- Dentur er lagdur á at finna sparingar, sum kunnu fremjast, uttan at tær raka byggilist, góðsku og funktionalitet, skrivar Landsverk.</div><div><br></div><div>Landsverk metir, at tað ber til at koma so langt við sparingum í sambandi við stóru byggiætlanina, at byggingin ikki kemur í vanda, men verður framd sum ætlað. Tá arbeiðið at finna sparingar er liðugt, ger Landsverk tilráðing um hesi átøkini til Mentamálaráðið, sum er byggiánari av Skúladeplinum við Marknagil. </div><div><br></div>
