- Tíðindi, mentan og ítróttur
Landsstýrismaðurin skal ikki hava størri heimildir
<div>Landsstýrismaðurin í fiskivinnumálum eigur ikki at fáa fleiri heimildir at geva flotanum rættindi bara við at skriva og lýsa eina kunngerð. At landsstýrismaðurin skal hava beinleiðis heimildir at býta út veiðirættindi gongur móti øllum andanum í lógini um vinnuligan fiskiskap. </div><div><br></div><div>Tað sigur Kjartan Hoydal, fiskifrøðingur. </div><div><br></div><div>Vinnunevndin hjá løgtinginum spurdi hann, hvat hann heldur um uppskotið hjá andstøðuni um at lata onnur fiskirættindi í býti við fiskidagar fyri at verja botnfiskin undir Føroyum. </div><div><br></div><div><b>Avmarkað tíðarskeið</b></div><div><br></div><div>Uppskotið er at fáa sett í lógina um vinnuligan fiskiskap, at fiskifør, sum eru í fiskidagaskipanini, í eitt tíðaravmarkað skeið, kunnu fáa onnur fiskirættindi í føroyskum sjógvi ella fremmandum sjóøki í umbýti fyri fiskidagar. Síðani stendur, at landsstýrismanninum verður heimilað at áseta hetta í kunngerð. </div><div> </div><div>- Lat meg siga beinanvegin, at eg haldi ikki hetta vera nakað gott uppskot, svarar Kjartan Hoydal. </div><div><br></div><div>- Leiðin fram er ikki at geva landsstýrismanninum fleiri heimildir at býta út tilfeingið undir Føroyum, sigur hann í brævinum til Vinnunevndina. </div><div> </div><div> </div>
