- Tíðindi, mentan og ítróttur
Skúladepilin liðugur um fýra ár
<div>Játtanin er fýra ára gomul, byggitíðin er longd meira enn tvey ár, og serlig atlit eru tikin, so føroysk byggifeløg og føroyskir veitarar ikki vóru verri fyri at bjóða enn útlendingar.</div><div><br></div><div>Hetta eigur at vera havt í huga, tá kostnaðurin at byggja Marknagilsdepilin verður umrøddur. Tað sigur Landsverk, sambært Bjørn Kalsø, landsstýrismanni, sum hevur svarað spurningi frá Hanusi Samró, løgtingsmanni.</div><div><br></div><div><b>50 prosent á muni</b></div><div><br></div><div>Tá tilboðini komu, varð greitt, at handverkaraútreiðslurnar eru 155 mió, kr. størri enn játtanin, sum løgtingið gav. Talan er næstan um hálvt hundrað prosent á muni á lægstu tilboðunum og verklagslógini. </div><div> </div><div>Tá tilboðini vóru latin upp, fór Landsverk alt fyri eitt at granska verkætlanina við tí endamáli at finna neyðugu sparingarnar, so byggjast kann uttan ov stóran meirkostnað. Longu nú eru gjørd uppskot um sparingar millum 80 og 90 mió. krónur av teimum 155. </div><div> </div><div>Í sambandi við lisitatiónina eru serprísir eisini fingnir til vegar, sum fara at gera byggingina bíligari. Kannað verður í løtuni, hvussu nógv hetta kann ávirka prísin niðureftir, upplýsir Landsverk. </div><div><br></div><div><b>Liðugur um fýra ár</b></div><div><br></div><div>Landsverk metir, at tað ber til at koma so langt við sparingum, at byggingin ikki kemur í vanda, men verður framd sum ætlað, og at Skúladepilin verður liðugur at taka í nýtslu í august 2016, sigur Bjørn Kalsø, landsstýrismaður. </div><div> </div><div>Hóast serlig atlit eru tikin til frama fyri føroyska vinnu, hevur eitt íslendskt byggifelag lægsta tilboðið.</div>
