- Tíðindi, mentan og ítróttur
Seks færri flogskiparar í Atlantsflogi
<p>Atlantsflog hevur nú færri flogskiparar í føstum starvi. Talið verður minkað úr 29 niður í 23, skrivar Sosialurin. Tríggir flogskiparar fóru úr starvi 1. september, tá tríggir afturat vórðu sagdir úr starvi.</p><div><br></div><div>Magni Arge, stjóri í Atlantsflogi, sigur, at minni virksemi er í flogfelagnum í løtuni. Haraftrat tekur Airbussurin fleiri ferðafólk og flýgur færri túrar, og tað hevur havt við sær, at seks flogskiparar eru sagdir upp seinastu tíðina. </div><div><br></div><div><b>Minni at gera um veturin</b></div><div><br></div><div>Í fjør komu fýra flogskiparar í Atlantsflog í sambandi við, at felagið sendi flogskiparar til Ný Sælands at royndarflúgva Airbus-flogfør. Tveir avloysarar hava verið í summar, men teir vóru bert fyribils..</div><div><br></div><div>Magni Arge sigur, at tað er altíð minni flúgving um veturin, men skuldi tað hent, at meiri flúgving verður næsta summar, verða boð aftur eftir fleiri flogskiparum, sigur hann við Sosialin. </div>
