- Tíðindi, mentan og ítróttur
Atlantsflog kosið ársins flogfelag
<div>Atlantsflog hevur fingið bronsuheiðursmerki sum Ársins flogfelag fyri sítt slóðbrótandi tiltak at taka í brúk nýggja navigatiónstøkni, og fyri at hava prógvað sínar dygdir sum felag og sítt virði fyri Føroyar.</div><div><br></div><div>Felagið fekk henda heiðurin á aðalfundinum hjá European Regions Airline Association, ERA, sum varð hildin í Dublin í gjárkvøldið.</div><div><br></div><div><b>Nýggj útgerð </b></div><div><br></div><div>Tá Atlantsflog setti nýggja Airbus 319-flogfarið í regluliga flúgving í mars, varð eisini nýggj navigasjónsútgerð tikin í nýtslu. Dómsnevndin hjá European Ragions Airline Association sigur, at RNP-AR-tøknin í flogfarinum er slóðbrótandi, tí hetta er fyrstu ferð, hon verður brúkt í Evropa.</div><div><br></div><div>Tvey onnur evropeisk flogfeløg vórðu eisini heiðrað á hátíðarhaldinum í Dublin í gjárkvøldið við ávikavist gull- og silvurmerki. Fleiri enn 60 flogfeløg eru limir í hesum felagsskapi, sum nú loyvir Atlantsflogi og hinum báðum flogfeløgunum at marknaðarføra seg undir heitinum "Airling of the Year".</div><div><br></div><div><b>Varpar ljós á allar Føroyar</b></div><div><br></div><div>Magni Arge, stjóri í Atlantsflogi, sum tók ímóti heiðrinum í Dublin í gjárkvøldið, sigur, at tað frøir hann, at altjóða flogídnaðurin viðurkennir fakliga dugnasemið og týdningin, sum felagið hevur fyri føroyska samfelagið.</div><div><br></div><div>- Hetta varpar ikki bara ljós á Atlantic Airways, men allar Føroyar, sigur Magni Arge.</div><div><br></div><div><b><br></b></div><div><br></div>
