- Tíðindi, mentan og ítróttur
Nólsoyingar vilja hava Ternuna aftur alt fyri eitt
<div>Siglingin um Nólsoyarfjørð riggar so illa, at Tórshavnar Kommuna nú kærir til Strandferðsluna og landsstýrismannin.</div><div><br></div><div>Ternan varð herfyri tikin úr siglingini millum Nólsoy og Havnina, og siglir nú um Skopunarfjørð, til Teistin kemur aftur av sleipistøð seinast í oktober mánaði. Í løtuni sigla rundferðarbátarnir, Silja Star og Froyur, um Nólsoyarfjørð. </div><div><br></div><div>- Aldan kann verða stór í Nólsoyarfirði um veturin, og fólk kenna seg ikki trygg at ferðast við so smáum bátum í ringum veðri, sigur kommunan í kæruni.</div><div>Haraftrat taka bátarnir bara 48 fólk í senn. Hetta er ov lítið til verandi tørv. </div><div><br></div><div>- Tá serlig tiltøk eru í Nólsoy, má báturin sigla fleiri ferðir. Tað er sera óheppið, tí fólk vita ikki, nær tey sleppa til Havnar um morgunin, sigur kommunan.</div><div><br></div><div><b>Ikki egnaðir til farm</b></div><div><br></div><div>Bátarnir eru ikki egnaðir til fraktflutning. Tí hevur Strandferðslan sett Sam at sigla við farmi tvær ferðir um vikuna. Hetta er alt ov lítið og ógvuliga óheppið fyri handilin, ið ikki fær vøru til tíðina. Haraftrat hava nólsoyingar eisini tørv á ruskbilum, oljubilum og øðrum. </div><div><br></div><div>Herfyri var sera pínlig hending í Nólsoy, tá líkbilurin ikki slapp í land til eina jarðarferð, sigur kommunan. </div><div><br></div><div>- Er tænastan hjá Strandferðsluni ikki nóg góð, so er væntandi, at tað gongst Nólsoynni, sum tað hevur gingist øðrum útoyggjum, at fólk flyta og bygdin doyr spakuliga út. Strandferðslan eigur eisini at hava í huga, at valla er nøkur onnur farleið, sum hevur so nógvar fastar pendlarar, sigur Tórshavnar kommuna, sum biður um at fáa Ternuna aftur í sigling, ella at hóskandi avloysaraskip verður funnið beinan vegin.</div><div><br></div>
