Vilja hava tingsessin frá Janusi Rein

Framsókn vil hava tingsessin og nevndarsessirnar, sum Janus Rein hevur havt, aftur, nú hann hevur tikið seg úr flokkinum

Janus Rein er nú uttanflokkatingmaður, men Framsókn vil hava hann at leggja tingsessin frá sær.

Johnsigurd Johannesen

09.10.2012 - 15:18

<p>Stovnarar, nevndarlimir og valevni hjá Framsókn heita nú á Janus Rein um at leggja tingsessin frá sær.</p><div><br></div><div>Í einum almennum brævi til fyrrverandi tingmannin hjá Framsókn verður heitt á Janus Rein um "at geva okkum arbeiðsfrið og geva Framsókn aftur tingsessin og teir nevndarsessir, sum flokkurin skal brúka fyri at kunna arbeiða."</div><div><br></div><div><b>Einki samsvar</b></div><div><br></div><div>Og víðari stendur í brævinum:</div><div><br></div><div>"Nú tú hevur
valt at taka annan tingsessin frá flokkinum og gera hann til tín egna, veitst
tú, at einki samsvar er millum tað, tú tekur úr flokkinum, og tann lutin, sum
tú hevur lagt í stríðið fyri at byggja flokkin upp, ella tær persónligu
atkvøðurnar, tú fekst á løgtingsvalinum."</div><div><br></div><div><b>Uttanflokkatingsmaður</b></div><div><br></div><div>Janus Rein boðaði leygardagin frá, at hann tekur seg úr Framsókn, tí samstarvstrupulleikar eru millum hann og formannin, Poul Michelsen. Janus Rein, sum nú er uttanflokkatingmaður, varð valdur á ting fyri Framsókn á løgtingsvalinum 29. oktober í fjør. Hann fekk 250 atkvøður. </div><div><br></div><div>25 fólk hava skrivað undir áheitanina, og teirra millum er floksformaðurin, Poul Michelsen.</div><div><p class="MsoNormal"></p><p></p><p></p></div>