Vágur og Vestmanna nýggjar borgarstjórar

bannari
Vágur og Vestmanna nýggjar borgarstjórar
Dennis Holm verður borgarstjóri í Vági, og Pauli T. Petersen verður borgarstjóri í Vestmanna
Dennis Holm verður nýggjur borgarstjóri í Vági
 
15.11.2012 - 08:30
Vágbingar og vestmenningar fáa nýggjar borgarstjórar eftir kommunuvalið týsdagin. 
 
Dennis Holm verður borgarstjóri í Vági. Hann fekk flestar atkvøður á býráðsvalinum í Vági. Tjóðveldi og Javnaðarflokkurin hava gjørt semju um samstarv næstu fýra árini. Eydis Kjærbo verður varaborgarstjóri. 
 
Hini, sum manna Vágs býráð, eru Sirið Stenberg, Danjal Bjarkhamar og Anna Brattaberg Samuelsen úr Tjóðveldi, og Poul W. Augustinussen og Tórður J. Poulsen úr Javnaðarflokkinum. Semja er um, at flokkarnir fáa tveir nevndarformenn í part, boðar nýggi borgarstjórin frá í tíðindaskrivi.
 
Pauli borgarstjóri í Vestmanna
 
Nývalda bygdarráðið í Vestmanna kom saman til fundar í gjárkvøldið, og samtykti einmælt at velja Paula T. Petersen til borgarstjóra. Hann fekk flestar persónligar atkvøður á kommunuvalinum.
 
Varaborgarstjóri verður Karl A. Olsen, sum hevur verið borgarstjóri seinastu árini. Í nývalda bygdarráðnum í Vestmanna eru tríggjar kvinnur og fýra menn. 
Er kopiera
Nýggjastu sendingar í ÚV
Fríggjadag 22. august
RagnarRokk: Maik Weichert um Heimat
194233
Fríggjadag 22. august
Morgunlestur fríggjadagur 22. august 2025
195629
Hósdag 21. august
Morgunlestur hósdagur 21. august 2025
195628
Nýggjastu sendingar í SV
Hósdag 21. august
Veðrið
195855
Mikudag 20. august
Dagur og vika - teknmálstulkað
195799
Týsdag 19. august
Veðrið
195771
Týsdag 19. august
Dagur og vika við 3-2 - teknmálstulkað
195740
Mánadag 18. august
3-2 (18. august 2025)
195726